Kæru foreldrar!

Föstudaginn 20. ágúst 2010 verður skipulagsdagur hér í Arnarborg og leikskólinn því lokaður frá klukkan 12:00 á hádegi.

Með kærri kveðju,
starfsfólk Arnarborgar.
 

Dear parents!

The school will be closed August 20th from 12:00 noon due to an organzation day.

Best regards,
the teachers of Arnarborgar.
 

    Á morgun 11.júní verður dótadagur í Arnarborg, þá mega börnin koma með leikföng að heiman. Við ítrekum þó að vopn eru ekki æskileg og að leikföngin eru á ábyrgð foreldra!

Nú er sumarstarfið komið á fullt hjá okkur. Börnin í útiskólanum eru búin að vera á faraldsfæti og fara í ferðir út um allar trissur. Í morgun fóru svo börnin á Tröllaholti í gönguferð um hverfið og fengu að leika sér á róló hér í hverfinu. Þau létu rigninguna ekkert á sig fá og skemmtu sér frábærlega. Það er alveg ótrúlegt hvað það að skipta aðeins um umhverfi getur glatt litla gorma, það að hlaupa upp á grashól var allt í einu heilmikil skemmtun  :)

Áætlað var að fara á Árbæjarsafn í morgun en þar sem veðrið var nú ekki alveg upp á sitt besta til að fara í slíka ferð þá ákváðum við að byrja bara rólega og fara í gönguferð um hverfið. Safnferðin býður því bara betri tíma og veðurs :)

Myndir væntanlegar á heimasíðuna fljótlega!

Í gær fóru öll börnin að sjá Brúðubílinn út á Bakkatúni. Að þessu sinni var boðið upp á sýningu sem kallaðist afmælisveislan þar sem að Helga Steffensen á 30 ára starfsafmæli þetta árið. Að venju skemmtu börnin sér konunglega enda margar skemmtilegar brúður sem létu sjá sig eins og td. Lilli, Blárefurinn, Svarti Svalur og síðast en ekki síst Doddi dónadúskur en hann var nú svolítið dónalegur og vildi ólmur prumpa á börnin